9 ойда Ўзбекистонга 82 та электромобиль импорт қилинган

2020 йилнинг январь-сентябрь ойларида Ўзбекистонга хориждан 82 та электромобиль импорт қилинган. Бу ҳақда ДСҚ ахборот хизмати раҳбари маълум қилди.

Давлат статистика қўмитаси маълумотларига кўра, бу йил Хитойдан — 52 та, Корея Республикасидан — 12 та ҳамда Германия, Бирлашган Араб Амирликлари, Россия Федерацияси ва Грузия каби давлатлардан 17 та, жами 82 та электромобиль импорт қилинган.

Бу кўрсаткич ўтган йилнинг шу даври билан солиштирилганда 59 тага кўп. Ўзбекистонга сентябрь ойининг ўзида хориждан 9 та электромобиль импорт қилинган.

Маълумот ўрнида, жорий йилда импорт қилинган электромобиллар учун 2,1 миллион АҚШ доллари сарфланган.