Aвстралияликларга номаълум йўналишдаги парвозлар таклиф этилади
Aвстралиянинг Qantas авиакомпанияси пандемия сабабли саёҳатларнинг пасайиши билан курашиш стратегиясини ишлаб чиқмоқда ва номаълум йўналишдаги кунлик саёҳат хизматини очмоқда. Биринчи марта маҳаллий туризмни оммалаштириш учун бундай саёҳатлар 1990-йилларда пайдо бўлган. «Сирли парвозлар»нинг мақсади кўпроқ йўловчиларни мамлакат ичида саёҳат қилиш учун жалб қилишдир. Парвозлар 737 доллардан бошланадиган эконом класс тарифлари билан Брисбен, Мельбурн ёки Сиднейдан учта Qantas Boeing 737 самолётларидан бирида амалга оширилади. 2022 йилгача халқаро чегаралар очилиши эҳтимолдан йироқ бўлганлиги сабабли Qantas ҳукуматдан Covid-19'га қарши эмлаш Aвстралияда амалга оширилгандан сўнг, ички саёҳат тўғрисида қарор қабул қилишни илтимос қилди. Январь ойида йўловчилар сони ўтган йилнинг шу ойига нисбатан атиги 4 фоизни ташкил этди, ўшанда минтақа (Осиё Тинч океани минтақаси) бўйлаб 33,5 млн йўловчи парвоз қилган. — BBC News.
Илон Маск Техасда янги шаҳар яратишга қарор қилди
Aмерикалик тадбиркор Илон Маск Техас штатидаги Бока-Чика шаҳрининг номини ўзгартирмоқчи, у ерда унинг Space Exploration Technologies Corp компанияси синов полигони жойлашган. «Техасда Старбейз (Starbase) шаҳрини барпо этаяпмиз», — деб ёзди Маск Twitter’даги саҳифасида. SpaceX вакили янги шаҳарга аҳоли пунктини киритиш ва унинг номини Старбейз деб ўзгартириш ҳақида талаблар билан танишди, деб Кэмерон округи судьяси Эдди Тревинонинг сўзларини Bloomberg келтирмоқда. Тревинонинг таъкидлашича, туман ҳокимиятига аҳоли пунктининг номини ўзгартириш режалари бўйича муҳокамалар жараёни тўғрисида хабар берилган. «Бунинг учун Twitter’да ёзиш етарли эмас», — дер экан, Тревино режани амалга ошириш учун Маск ва унинг компаниясида кўплаб тўсиқларни енгиб ўтиш кераклигини таъкидлади. Тадбиркорнинг бошқа компанияси, яъни электр транспорт воситаларини ишлаб чиқарувчи Tesla Inc. Остиннинг (Техас) шарқида электр пикапларни йиғиш учун катта иншоот қурмоқда. Бу орада Маск жамғармаси штаб-квартирасини Калифорниядан Остинга кўчирди, тадбиркорнинг ўзи эса Техасга кўчиб ўтганини эълон қилган эди. SpaceX шунингдек, Техас штатининг Макгрегор шаҳрида ракеталарни синовдан ўтказмоқда. Компаниянинг Бока-Чикада ишлаб чиқарадиган космик кемасининг прототиплари, компаниянинг режаларига кўра, Ой ва Марсга учиш имкониятига эга бўлиши керак. — Bloomberg.
БAA COVID’га қарши коллектив иммунитетига эришган биринчи мамлакат бўлиши кутилмоқда
Яқин орада БАА COVID-19'га қарши коллектив иммунитетига эришган биринчи мамлакат бўлиши мумкин, чунки аҳолининг аксарияти коронавирусга қарши эмланган, деб хабар беради Al Arabiya. «Пандемия қарши курашиш учун ҳукуматнинг саъй-ҳаракатлари билан БAA тез орада бутун аҳолини эмлаш ва шу билан омма иммунитетига эришган биринчи мамлакат бўлиши мумкин», деди Bareen халқаро касалхонасининг шошилинч тиббий ёрдам мутахассиси Фуад ар-Рахаль. Our World in Data илмий онлайн нашри маълумотларига кўра, БАА аҳолини коронавирус инфекциясига қарши эмлаш даражаси бўйича Исроилдан кейин иккинчи ўринни эгаллайди. Сўнгги маълумотларга кўра, мамлакат аҳолисининг 60 фоизидан кўпроғи шу кунгача камида вакцинанинг битта дозасини олган. Миллий фавқулодда вазиятлар бошқармаси ўз навбатида Twitter'да «бугунги кунга келиб БAA коронавирус учун 6 млндан ортиқ дозани тақдим қила олган», деб ёзди. Шундай қилиб, 3,6 млндан ортиқ одам вакцина олган. Aйни пайтда БAAда коронавирусга қарши тўртта вакцина мавжуд — Россиянинг Спутник V, Хитойнинг Sinopharm, АҚШ ва Германиянинг Pfizer, шунингдек AstraZeneca препаратлари. — Al Arabiya.
Япония 13 мамлакат фуқаролари учун кириб-чиқиш қоидаларини кучайтиради
Япония ҳукумати коронавируснинг ҳар хил янги штаммлари тарқалиш хавфи туфайли мамлакатга 13 давлат фуқаролари учун кириш қоидаларини кучайтиради. Гап Aвстрия, Бельгия, Бразилия, Германия, Дания, Италия, Нигерия, Нидерландия, БАА, Словакия, Швейцария, Швеция, Франция фуқаролари ҳақида кетмоқда. Улар учиб келганидан сўнг уч кун ичида ихтисослашган карантин муассасаларида туриши керак бўлади. Шундан сўнг, улар коронавирус тестини топширишади ва агар салбий натижа бўлса, улар уйларига қайтиб, яна икки ҳафта у ерда ўз-ўзини яккалаши мумкин бўлади. Ушбу чоралар 5 мартдан кучга киради. — ТАСС.
Норвегияда эмланишлардан кейин ўлим ҳолатлари ўрганиб чиқилади
Норвегияда COVID-19'га қарши эмланишлардан сўнг ўлимлар сони кўпайгани туйфайли, бу масалани ўрганиб чиқадиган эксперт гуруҳи ташкил этилди. Ҳаммаси бўлиб, вакцинациядан кейин юздан ортиқ одам вафот этди, деб ёзади Bloomberg. Маълум қилинишича, эмлашдан кейин 102 нафар кекса киши вафот этган, уларнинг ўртача ёши 87. Марҳумларнинг аксарияти вакцинация олдидан ҳам соғлиғи ёмонлигига шикоят қилган. Мутахассислар эмланиш ва кейинги ўлим ўртасидаги боғлиқликни аниқлашлари керак бўлади. Норвегияда Pfizer ва Moderna вакциналаридан фойдаланилади. — Bloomberg.
Huawei смартфонларнинг чиқарилишини ярмидан кўпига қисқартиради
Хитойнинг Huawei Technologies компанияси AҚШ санкциялари босими остида қисмларни етказиб берувчиларни бу йил буюртмаларни 60 фоиздан кўпроқ қисқартириши ҳақида огоҳлантирди. Компания 70−80 млн дона смартфон учун эҳтиёт қисмларга буюртма беришни режалаштирмоқда, дея хабар берди нашр. Бошқалар бу кўрсаткич бундан ҳам пастроқ бўлиши мумкинлигини таъкидладилар — тахминан 50 млн. Халқаро маълумотлар корпорациясининг (ХМК) маълум қилишича, Huawei 2020 йилда 189 млн дона телефон ишлаб чиқарган. Ишлаб чиқариш 2019 йилга нисбатан 21,5 фоизга камайди. ХМК ҳисоб-китобларига кўра, Хитой компанияси ўтган йили дунёда смартфон етказиб бериш бўйича Жанубий Кореянинг Samsung Electronics ва АҚШнинг Apple компанияларидан кейин учинчи ўринни эгаллади. 2020 йил ноябрь ойида Huawei ўзининг Honor маркали истеъмолчи қурилмалари бўлимини сотаётганини эълон қилган. Битимнинг молиявий шартлари ошкор қилинмади. Компания «уяли телефонларни ишлаб чиқариш учун зарур бўлган техник компонентларнинг мавжуд эмаслиги» сабабли ўз истеъмолчи компаниялари бизнесига дуч келадиган «улкан босим» ҳақида гапирди. — Интерфакс.
