Енгил атлетика бўйича Ўзбекистон Паралимпия жамоаси Дубайда (БАА) бўлиб ўтаётган Fazza Athletics Championships турнирининг иккинчи кунида яна иккита олтин медални қўлга киритди. Энди жамоа ҳисобида саккизта медал бор: тўртта олтин, иккита кумуш ва иккита бронза, дея хабар берди Миллий олимпия қўмитаси.
Иззат Турғунов узунликка сакраш баҳсларининг T36 классида 5.56 метр натижа билан олтин медални қўлга киритган бўлса, кейинчалик ядро улоқтиришнинг F54 классида финалда иштирок этган Нурхон Қурбонова 7.12 метр натижа билан олтин медал олди.
Иккала спортчи ҳам яқинда Токиода бўлиб ўтадиган Паралимпия ўйинлари учун рейтинг очколарини олишди, мусобақа 24 август — 5 сентябр кунлари бўлиб ўтади.
