Владимир Путин кейинги ҳафта охирида Россияда коронавирусга қарши кенг қамровли вакцинацияни бошлашни буюрди, дея хабар қилди РИА Новости.
Қайд этилишича, биринчи бўлиб ўқитувчилар ва шифокорлар эмланиши кутилмоқда. Оммавий эмлаш бепул ва кўнгилли равишда амалга оширилиб, бунинг учун «Спутник V» вакцинасидан фойдаланилади.
Эслатиб ўтамиз, аввалроқ Буюк Британияда кейинги ҳафтадан коронавирусга қарши эмлаш бошланиши ҳақида хабар берилган эди. Мамлакат Тиббиёт ва соғлиқни сақлаш маҳсулотлари регулятори Pfizer/BioNTech вакцинасидан фавқулодда ҳолатда фойдаланиш учун рухсат берди.
