Ўзбекистон бош прокурори Ниғматилла Йўлдошев идоралараро йиғилишда сўнгги икки йил ичида Ўзбекистонда коррупцияга оид жиноятларда қатнашган турли банкларнинг 166 нафар мансабдор шахслари жиноий жавобгарликка тортилганини таъкидлади.

Хусусан, Халк банки ва Микрокредитбанк бошқарувининг собиқ раиси Э. (Муродилла Эшматов) ўз лавозимидан фойдаланиб, бир қатор коррупциявий жиноятларни содир этган, дейилади хабарда.

Қайд этилишича, у илгари бир қатор жиноятларни содир этган ва AҚШда яшириниб юрган Х. билан жиноий тил бириктирган, Сирдарё вилоятида 4 та сохта компания ташкил қилган. Улар ушбу фирмаларни бошқариш учун 18 кишидан иборат уюшган гуруҳни тузишган.

Уюшган гуруҳ 2019 йилнинг тўққиз ойида 732 млрд сўм миқдоридаги пулни нақлаштириб, шу билан 7 млрд сўмни ўзлаштиришди. Бундан ташқари, 215 млрд сўм молиявий ёрдам шаклида турли хил пластик карталарга ўтказилди, 22,5 млн доллар нақд қилиниб, чет элга чиқарилган, деди бош прокурор.

Уюшган гуруҳ бошчилигидаги фирмалар ҳам 101 млрд сўм миқдоридаги солиқларни тўлашдан бўйин товлашган.

Бундан ташқари, Э. Халқ банки бошқаруви раиси этиб тайинлангандан сўнг, банк биносини қураётган пудратчиларни таниш пудратчиларга алмаштирди ва объектни қуриш пайтида 5,5 млрд сўмлик банк маблағларини талон-тарож қилди.

Э. Микрокредитбанк раҳбари этиб тайинланганда, унинг офисини мебель билан жиҳозлаш учун аслида 100 млн сўм сарф қилинган, лекин фирмалар орқали 273 млн сўм тўлаган. Банкнинг Сирдарё филиали учун бино 4 млрд сўмга сотиб олинди, аммо объект 700 млн сўмга тушган эди.

Ниғматилла Йўлдошев ҳозирда банкларнинг собиқ раҳбари ва унинг шериклари ҳибсга олинганлиги ва суд жараёни давом этаётгани айтди.

Муродилла Ёкубович Эшматов 2019 йил апрель ойи бошида Халк банки бошқарув раиси, 2019 йил октябрда Микрокредитбанк раҳбари этиб тайинланди. Aввалроқ, 2016 йилдан бери у Сирдарё вилояти ҳокимининг иқтисодиёт ва тадбиркорлик бўйича биринчи ўринбосари лавозимида ишлаган. 1991 йилда Тошкент давлат иқтисодиёт университетини тамомлаган. 1995 йилдан 2005 йилгача Ўзбекистон Марказий банки тизимида турли лавозимларда ишлаган, ва 2005 йилдан 2016 йилгача Марказий банк раисининг ўринбосари лавозимида ишлаган.