Вазирлар Маҳкамасининг фармойишига асосан «Саховат ва кўмак» фонди орқали ижтимоий ҳимояга муҳтож оилаларга моддий ёрдам тарқатилади, дея хабар берди ЎзА.

Таъкидланишича, бунинг учун Инқирозга қарши курашиш жамғармаси маблағлари ҳисобидан жами 150 млрд сўм ажратилиши белгиланди.

Маблағ ҳудудлар кесимида қуйидагича тақсимланиши кўзда тутилган:

  • Қорақалпоғистон Республикаси — 10 млрд;
  • Андижон вилояти — 10 млрд;
  • Бухоро вилояти — 10 млрд;
  • Жиззах вилояти — 5 млрд;
  • Қашқадарё вилояти — 20 млрд;
  • Навоий вилояти — 5 млрд;
  • Наманган вилояти — 10 млрд;
  • Самарқанд вилояти — 10 млрд;
  • Сурхондарё вилояти — 10 млрд;
  • Сирдарё вилояти — 5 млрд;
  • Тошкент вилояти — 10 млрд;
  • Фарғона вилояти — 10 млрд;
  • Хоразм вилояти — 10 млрд;
  • Тошкент шаҳри — 25 млрд.

Хабарда қайд этилишича, ҳудудлардаги сектор раҳбарлари 2 кун муддатда ушбу маблағларни аҳолига тарқатилишини таъминлайди.