Covid-19 коронавирус инфекциясини юқтиргани тасдиқланган саккиз киши орасида оғир ҳолатдаги беморлар йўқ, дея хабар қилди 16 март куни соғлиқни сақлаш вазири Алишер Шодмонов «Ўзбекистон 24» телеканалига берган интервьюсида.
Аввал хабар қилинганидек, вирус юқтирганларнинг олти нафари 11 март куни Париждан келган ва 15 март куни вирус аниқланган аёлнинг оила аъзоларидир. Яна иккита ҳолат 15 март куни Истанбулдан ва 14 март куни Лондондан келган Ўзбекистон фуқароларида аниқланди.
«Ходимларимиз аэропортда тепловизор ёрдамида Туркиядан келган фуқаронинг ҳарорати борлигини аниқлади. Махсус тез тиббий ёрдам автомобилида у Вирусология институтига олиб борилди, у ерда таҳлил ўтказилди ва ушбу касаллик аниқланди. Фуқаро аэропортни тарк этмади», — деди Алишер Шодмонов.
Соғлиқни сақлаш вазирлиги ИИВ билан биргаликда Истанбулдан Тошкентга келган фуқаролар билан уларнинг яшаш жойларида суҳбатлар ўтказиб, улар карантинга олинди.
16 март ҳолатига кўра 641 киши тиббий муассасаларга карантинга қўйилди — уларга ҳали касаллик ташхиси қўйилмаган, аммо улар юқтирган беморлар билан алоқада бўлишган. Шулардан 49 нафари Вирусология институтида, 85 нафари 6-Тошкент шаҳар клиник шифохонасида, 181 нафари Тошкент вилоятининг Қибрай туманидаги Бўстон санаторийсида, 212 нафари (Сеулдан келган) Чирчиқ шаҳридаги «Энергетик» санаториясида, 114 нафари хусусий клиника, деди вазир.
Алишер Шодмонов, шунингдек, 5661 нафар фуқаро уй карантинида эканлигини таъкидлади. Улар юқтирилган беморлар билан тўғридан-тўғри алоқа қилмаган, аммо ҳозирда тиббий муассасада карантинда бўлганлар билан алоқада бўлишди.
16 март куни Наманганга қўндирилган Рига-Тошкент рейси йўловчилари Наманган вилоятининг Косонсой ва Тўрақўрғон туманларидаги санатория ва даволаш муассасаларига карантинга юборилди. Эрондан эвакуация қилинган 37 фуқаро ҳам ерга етказилади.
