Молия вазирлиги ҳузуридаги Давлат-хусусий шерикликни ривожлантириш агентлиги директорининг биринчи ўринбосари лавозимига Бозоров Зокир Абдуллоевич тайинланди, дея хабар қилди Молия вазилиги матбуот хизмати.
Зокир Бозоров (1982 й. т.) — Тошкент молия институтини «солиқлар ва солиққа тортиш» мутахассислиги бўйича тамомлаган. Бунга қадар Молия вазирлиги Уй-жой ва коммунал хизмат кўрсатиш соҳасини молиявий тартибга солиш бошқармаси бошлиғи лавозимида фаолият кўрсатган.
Нуриддинов Нодиржон Иззатуллаевич Давлат-хусусий шерикликни ривожлантириш агентлиги директорининг ўринбосари лавозимига тайинланди.
Нодиржон Нуриддинов (1979 й. т.) — Манчестер Метрополитан университетининг менежмент иқтисодчи мутахассислигини тамомлаган. Тайинловга қадар Молия вазирлиги Давлат ривожлантириш дастурларини молиявий таъминлаш Департаменти директори ўринбосари лавозимида ишлаган.
