17 ноябрь куни тахминан 3:10 да Наманган вилояти Учйи тумани «Дўстлик» маҳалласидаги уйда тўрт кишининг газдан заҳарланиш ҳолати қайд этилди. Уларнинг уч нафари (она ва икки фарзанд) вафот этди, бири (ота) шифохонага ётқизилди, дея хабар қилди Ўзбекистон ФВВ матбуот хизмати.
Ўтказилган текширувларда уй резина қувур орқали пропанли баллонга уланган қўлбола печ орқали иситилгани аниқланди. Оила аъзолари ухлаётган вақтда ис газидан заҳарланган.
Ҳодиса юзасидан терговга қадар тадбирлар олиб борилмоқда.
