Ўзбекистон миллий терма жамоаси ва Россиянинг «Ростов» клуби ҳужумчиси Элдор Шомуродов август ойи якунлари бўйича Россия премьер-лигасининг (РПЛ) энг яхши футболчиси деб тан олинди.
24 ёшли Элдор Шомуродов ҳам ишқибозлар, ҳам РПЛ ва «Матч Премьер» канали экспертлари томонидан бир овоздан ойнинг энг яхши футболчиси деб топилди.
Августда «Ростов» учта ғалабани қўлга киритди — Қозоннинг «Рубин» (2:1), Самаранинг «Крылья Советов» (1:0) ва Москванинг «Локомотив» (2:1) жамоаларини мағлубиятга учратиб, Екатеринбургнинг «Урал» (2:2) клуби билан дуранг ўйнади ҳамда «Уфа»дан енгилди (0:2). Элдор Шомуродов беш ўйинда бешта гол уриб, еттита гол билан голурарлар рўйхатидан ўрин олди.
2017 йилда Элдор Шомуродов Россиянинг «Ростов» жамоаси билан 2,5 йиллик шартномани имзолаган эди. У илк голини «Акмара»га қарши меҳмондаги учрашувда киритди (1:0). Май ойи охирида «Ростов» у билан яна уч йилга, июнда эса беш йилга шартнома имзолади.
