Доғистон Республикасининг Каспийск шаҳрида Магомед-Салам Умаханов хотира турнири ўтказилмоқда. Бу ҳақда Ўзбекистон бокс федерацияси матбуот хизмати хабар берди.
Кеча мусобақа доирасида чорак финал жанглари ташкил этилди. Унда 10 нафар боксчимиз рингга кўтарилди. Баҳсларда иштирок этган боксчиларнинг 7 нафари ғалаба қозонди ва ярим финал йўлланмасини қўлга киритди.
-52 кг: Аброр Қодиров — Ихлас Глисчанов (Туркманистон) 5:0;
-52 кг: Шаҳобиддин Зоиров — Мирмехди Меҳдизаде (Озарбайжон) (Зоиров 1-раундда рақибини нокаут қилди);
-56 кг: Абдулхай Шораҳматов — Билол Мхари (Тунис) 5:0;
-60 кг: Отабек Холматов — Магомед Тиновасов (Россия) 5:0;
-64 кг: Жаҳонгир Расулов — Гусейн Магомедов (Россия) 0:5;
-69 кг: Темур Саидов — Мгер Оганисян (Украина) 0:5;
-69 кг: Билол Мирзараҳимов — Тамирлан Хангишиев (Россия) 5:0;
-75 кг: Акмурад Гаффаров — Даниил Тетерев (Россия) 5:0;
-75 кг: Саиджамшид Жафаров — Рамазон Дадачев (Россия) 5:0;
-91 кг: Шаҳзод Сулаймонов — Магомед-Султан Мусаев (Россия) 1:4.
Ғолиб боксчилар қаторига +91 кг вазнли Лазизбек Муллажонов қўшилади. Шу тариқа эртага ўтказиладиган ярим финал жангларида 8 нафар ўзбекистонлик боксчи рингга кўтарилади.
