Ўзбекистонда электромобилларни (код ТН ВЭД 870380) олиб кирганлик учун акциз солиғи бекор қилинди. Бу ҳақда президентнинг 18 июлдаги қарорида сўз боради. 8703 рақами остидаги қолган автомобиллар гуруҳлари учун 30 фоизлик акциз солиғи сақланиб қолди.
1 январдан электромобиллар учун божхона божининг ноль ставкаси ҳам ўрнатилган. Эндиликда электрокарни олиб киришда фақатгина ҚҚС ва божхона расмийлаштируви ҳамда Республика йўл жамғармаси тўловларини тўлаш лозим.
