Айни кунларда Словениянинг Любляна шаҳри велоспортнинг шоссе йўналиши бўйича «Ljubljana — Domžale — Ljubljana» халқаро мусобақасига мезбонлик қилмоқда. Мазкур турнир Токио олимпиадасига рейтинг очколарини тақдим қилади. Бу ҳақда МОҚ матбуот хизмати хабар берди.
Мусобақа дастуридаги шахсий вақт синови йўналиши бўйича ўтказилган пойгада ўзбекистонлик Ольга Забелинская кумуш медални қўлга киритди. Забелинская белгиланган 21.2 километр масофани босиб ўтиш учун роппа-роса 27 дақиқа сарфлади.
«Ljubljana — Domžale — Ljubljana». Словения
Шахсий вақт синови. Аёллар, 21.2 км.
1. Марлен Рюссе (Швейцария) — 00:26:34
2. Ольга Забелинская (Ўзбекистон) + 26 сония
3. Виттория Бусси (Италия) + 1:02
Бу муваффақиятдан кейин Забелинская Токио олимпиадаси рейтинги учун ўз ҳисобига 100 очкони қўшиб қўйди. Эслатиб ўтамиз, Ольга Забелинская Тошкентда ўтказилган Осиё чемпионатининг гуруҳ пойгасида ғалаба қозониб, ушбу йўналиш бўйича Токио олимпиадасига йўлланмани қўлга киритган эди.
