Қарши ҳокимияти шаҳар логотипини тасдиқлади, дея хабар берди шаҳар маъмурияти «Газета.uz"га. Унда сув йиғишга мўлжалланган сардоба тасвирланган.
Ер тубига тушган ва тош билан ёпилган сардоба бассейнида ичимлик сувини сақланган ҳамда ундан фойдаланилган. Бу каби омборда сув йилнинг энг иссиқ даврида ҳам муздай ҳолда турган.
«Буюк Ипак йўлининг алоҳида участкаларида сардобалари бўлиши шарт бўлган», — дейилади хабарда. Мазкур ажойиб архитектура қурилмаси эрамизнинг Х асридан машҳур бўлган.
Логотипга «The center of history» («Тарих маркази») шиори ҳам ёзилган. Қарши Марказий Осиёнинг энг қадимий шаҳарларидан бўлиб, 2006 йилда 2700 йиллиги нишонланган.
