Таиланд пойтахти Бангкокда ўтказилаётган бокс бўйича Осиё чемпионатида Ўзбекистон делегацияси ҳисобига биринчи кумуш медаль қўшилди. Бу ҳақда Olamsport.com хабар берди.
-91 кг вазн тоифасидаги финал жангида ҳамюртимиз Санжар Турсунов Жанубий Корея вакили Хёнг Кю Кимга қарши рингга кўтарилди. Кореялик бу боксчи кеча ярим финалда қозоғистонлик Левитни икки бор нокдаун ҳолатига тушириб қўйганди.
Бугунги финал жангида ҳам у кичик устунликка эга бўлди. Якунда Турсунов рақибига очколар ҳисобига кўра имкониятни бой бериб, кумуш медал билан кифояланди.
