17 апрелдан бошлаб «Samarkand Trans Еxpress» МЧЖ томонидан Самарқанд — Тошкент йўналиши бўйича янги автобуслар қатнови йўлга қўйилди. Бу ҳақда Самарқанд вилоят ҳокимлиги матбуот хизмати хабар берди.
Мазкур йўналиш бўйича автобуслар соат 07:00, 09:00 ва 11:00 дан Самарқанднинг «Самарқанд» шоҳбекатидан йўлга чиқади.
Шунингдек, йўловчилар йўналиш бўйича соат 13:30, 16:00 ва 18:00 ларда Тошкентдан Самарқандга қараб йўл олади. 300 километр узунлигидаги ушбу йўналишда йўловчилар 4,5 соатда манзилига етказилади. Чипта нархи жамият томонидан 25 минг сўм этиб белгиланган.
Мазкур йўналиш учун «Samarkand Trans Express» МЧЖ томонидан 3 та замонавий автобуслар сотиб олинган бўлиб, йўналиш фаолиятини бошлаши муносабати билан ташкил этилган тантанали тадбирдан сўнг, йўловчилар пойтахтга қараб йўл олди.
