Ўзбекистонлик велоспортчи Ольга Забелинская Кипрда ташкил этилган «Aphrodite Cycling Race» халқаро турнирининг гуруҳ пойгаларида биринчи ўринни қўлга киритди. Бу ҳақда МОҚ матбуот хизмати хабар берди.
2:26:03 вақт билан Забелинская маррани биринчи бўлиб забт этди. Иккинчи ўринни мезбонлар вакиласи Антри Кристофороу (+3:22) эгаллаган бўлса, россиялик Елизавета Ошуркова (+3:28) кучли учликни якунлади.
Эслатиб ўтамиз, Ольга кеча яккалик баҳсларида ҳам олтин медални қўлга киритган эди. Қайд этиш жоиз, мазкур мусобақа Токио-2020 олимпиадаси учун рейтинг очколарини тақдим этади.
