Индонезиянинг Сулавесу оролида 28 сентябрь куни содир бўлган 7,5 магнитудали зилзила келтириб чиқарган цунами натижасида 1234 кишининг ҳалок бўлгани тасдиқланди. Бу ҳақда AFP Табиий офатлар оқибатларини бартараф этиш миллий агентлигига таяниб хабар қилди.
Айни пайтда цунамидан кейинги қидирув-қутқарув ишлари давом эттирилмоқда.Зилзила ўчоғига яқин жойлашган Палуда электр таминоти издан чиққан, қутқарувчилар зарур техникаларга эга эмас. Икки кундан буён 2000 кишидан ортиқ киши истиқомат қилган аҳоли пункти билан алоқа ўрнатилгани йўқ. Индонезия фавқулодда ҳолат оқибатларини бартараф этишда ёрдам сўраб халқаро ҳамжамиятга мурожаат қилди. Қатор давлатлар молиявий ва гуманитар ёрдамга тайёрлигини билдирди.
