6 сентябрь куни 20:30 да Липецк вилояти Добровск тумани Богородицк қишлоғидан ўтган Р-126 Липекц-Чаплигин трассасида содир бўлган йўл-транспорт ҳодисасида беш нафар Ўзбекистон фуқароси ҳаётдан кўз юмди. Бу ҳақда Ўзбекистон ФФВ матбуот хизмати Россия ФФВга таяниб хабар қилди.
ЙҲҚ бузилиши натижасида Toyota RAV4 ва «ВАЗ-2106» русумли автомобиллар тўқнашиб кетган. Ҳодиса жойида беш ўзбекистонлик вафот этди, бир нафар Россия фуқароси турли жароҳатлар билан шифохонага ётқизилди.
Ҳалок бўлганлар рўйхати:
- Ахмедов Мавлонбек Рахинбаевич (1986 й. т.);
- Сапаев Мирзабек Ибадуллаевич (1990);
- Самандаров Нариман Алимович (1984);
- Адамбаев Жавлонбек Ғуломович (1983);
- Аллабердиев Азизбек Қосимович (1983).
Ҳалок бўлган Ўзбекистон фуқаролари жасадлари «Добровск РБ» шифохонасига етказилган. Ҳалок бўлганларнинг яқинлари ва қариндошлари ФФВнинг (99871)1471050 тезкор алоқа рақамига қўнғироқ қилишлари мумкин.