The Economist журналининг ҳар йиллик рейтингида Вена етти йил давомида етакчиликни сақлаб келган Австралиянинг Мельбурн шаҳрини ортда қолдириб, дунёнинг энг қулай шаҳри деб топилди.
Учинчи ўринни Япониянинг Осака шаҳри эгаллади. Тўртинчи поғонани эса Канаданинг Калгари банд этган бўлса, бешталикни Сидней якунлади. Кучли ўнликдан Ванкувер, Токио, Торонто, Копенгаген ва Аделаида жой олди.
Дунёнинг 140 шаҳри киритилган рейтингнинг қуйи поғонасини Дамашқ эгаллади. Бангладеш пойтахти Дакка ва Нигериянинг Лагос шаҳри ҳам энг ноқулай шаҳарлар ўнталигини банд этди.
The Economist журнали ҳар йили 30 дан ортиқ мезонар асосида шаҳарлар рейтингини аниқлайди. Уларни сиёсий ва ижтимоий барқарорлик, жиноятчилик, таълим, соғлиқни сақлаш даражалари бўйича тўртта бўлимга ажратиш мумкин.
