16 июнь куни Қашқадарё вилоятининг Чироқчи туманида қўлга олинган АҚШ фуқароси Зокир Алиев озод қилинди, дея хабар қилди жума куни «Газета.uz"нинг вазиятдан хабардор бўлган ахборот манбаси. Унинг маълумотига кўра, ҳозирда у қариндошлариникида.
АҚШда яшовчи Зокир Алиев ватанга қариндошларининг таклифи билан Ўзбекистоннинг Вашингтондаги элчихонасидан виза олиб келган эди. Давлат хавфсизлик хизмати хабарида у террористик ташкилотга алоқадорликда гумон қилиниб, 2005 йилдан бери қидирувда бўлган.
