Ўзбекистонлик гимнастикачи Оксана Чусовитина 24−27 май куни Хорватиянинг Осиек шаҳрида ўтказилган Чақириқ кубоги (FIG World Challenge Cup) босқичида аёллар ўртасида таяниб сакрашда олтин медални қўлга киритди. Бу ҳақда тадбир сайтида хабар қилинди.
Спортчи 14,233 балл билан энг яхши натижани қўлга киритди. Иккинчи ўринни словениялик Тьяса Кисселеф (13,800), бронза медалига эса россиялик Виктория Трикина (13, 733) эгаллади.
Февралда Оксана Чусовитина АҚШда Houston National Invitational мусобақасида учта олтин ва кумуш медални қўлга киритган эди.
