16 май куни Бухоро вилоятида КНАУФ-листлар ишлаб чиқариш бўйича КНАУФ линиясининг расмий очилиши бўлиб ўтди. Бу ҳақда компания вакили «газета.uz"га хабар қилди.
Тадбирда Ўзбекистон бош вазири Абдулла Арипов, КНАУФ Манфред Грундке халқаро гуруҳининг бошқарувчи ҳамкори Манфред Грундке, Германиянинг Ўзбекистондаги элчиси Гюнтер Оверфельд иштирок этди.
Реконструкциядан сўнг гипсокартон КНАУФ-листларни ишлаб чиқариш ҳажми 30 млн кв.м.дан ортиқни ташкил этади, ишлаб чиқариш линиясини кенгайтиришга инвестициялар эса 22 млн АҚШ долларига етади. Лойиҳага киритилган қўйилмалар ҳажми 16 млн доллардан зиёдроқни ташкил этди. КНАУФ компаниясининг Ўзбекистондаги 20 йилдан ортиқроқ фаолияти давомида КНАУФ компанияси Бухородаги иккита корхонага 75 млн доллар сармоя киритди.
Бухоро вилоятида ишлаб чиқарилган қурилиш материаллари мамлакат иқтисодиёти рақобатбардошлиги ва экспорт салоҳиятини оширади. Бухоро вилоятида КНАУФ ишлаб чиқариш ривожининг кейинги босқичи якунлангач, сармоялар ҳажми 100 млн долларга етади. Янги ишлаб чиқариш линияси «КНАУФ ГИПС БУХОРО» ҳудудида қурилади.
Мамлакат бош вазири Абдулла Арипов ўз сўзида заводнинг очилишида иштирок этган компания эгаларидан бири Николаус Кнауфга Бухоро заводи технологик жиҳозланиш ва ишлаб чиқариш сифати бўйича Германиядаги КНАУФ корхонасидан қолишмаслиги учун миннатдорлик билдирди. Арипов КНАУФ компаниясини республиканинг бошқа минтақаларида ҳам ишлаб чиқаришни бошлашга таклиф қилиб, янги лойиҳалар ҳукумат томонидан қўллаб-қувватланишини билдирди.
