«Газета.уз» пазандачилик саҳифаси бўлмиш Zira.uz билан ҳамкорликда ярим соатда тайёрланадиган таомномалар рўйхатини тақдим қилади.
Душанба
«Дангаса» товуқ оёқчалари
Бу энг содда рецептлардан бири бўлиб, бу таом учун товуқ гўштини олдиндан маринадлаб қўйиш шарт эмас. Фақатгина баъзи масаллиқларни тайёрлаб оламиз ва товуқ оёқчаларини газ печига қўйиб пиширамиз. Ўзимиз эса қолган ишларимиз билан бемалол шуғулланаверамиз.
Корейсча исмалоқли салат
Асосий таомингиз тайёр бўлгунича, исмалоқли мазали ва жуда фойдали салат тайёрлашингиз мумкин. Аччиқ таъмга эга бу салат ҳар қандай таом билан ҳам яхши ейилади.
Сешанба
Мол гўштидан стир-фрай
Стир-фрай деб катта товада тезда пишириладиган гўшт ва сабзавотлардан тайёрланилган таомга айтилади. Бу усулда пиширилган таомнинг барча витаминлари сақланиб қолинади.
Руккола, редиска ва помидорлардан салат
Бу салатнинг асосий масаллиқларини руккола кўкати, помидор ва редиска ташкил қилиб, улар биргаликда ажойиб уйғунликни ташкил қилади. Агар бу салатга кедр ёнғоқларини қўшсангиз, янада хуштаъм салатга эга бўласиз.
Чоршанба
Помидор ва исмалоқ қўшиб тайёрланган паста
Помидор ва исмалоқдан тайёрланган паста — ёрқин кўриниши билан иштаҳани очса, гўштсиз пиширилиши эса бизни қувонтиради. Пастани таъбингизга қараб, хоҳлаганингизни танлашингиз мумкин.
Товуқли пашот салати
Тўйимли таом билан истеъмол қилиш учун тухумли пашот салати айни муддао. Салатга ишлатиладиган тухумни эса микротўлқинли печда бир пастда тайёрлаш мумкин.
Пайшанба
Товуқ гўштидан тайёрланилган капрезе таоми
Бу газ печида тезда тайёрланиладиган капрезе таоми бўлиб, пишлоқ ва помидорлар қўшилганлиги сабаб ҳам товуқ гўшти жуда серсув бўлиб пишади.
Помидор ва қўзиқоринли илиқ салат
Товуқли таомингиз тайёр бўлгунича, қўзиқоринлардан тайёрланиладиган ажойиб салат тайёрлаб олишингиз мумкин. Бу салатни тайёрлаш сиздан бор-йўғи 15 дақиқа вақтингизни талаб қилади.
Жума
«Алфредо» қайлали паста
Тўйимли ва қаймоқли бу паста, голливуд юлдузларининг севимли таом саналар экан. Бу таомни тайёрлашда паста билан қайлани бир вақтда тайёрлаш жуда муҳим.
Қизил балиқ ва бедана тухумларидан салат
Қизил балиқдан тайёрланилган енгилгина бу салат бу паста билан яхши кетади. Тухум қайнагунича кўкат ва балиқни тайёрлаб олишингиз мумкин.
Бунданда кўп рецептлар билан эса Zira.uz саҳифасида танишишингиз мумкин.
Веб-саҳифа: zira.uz
Facebook: fb.com/zirauz
Instagram: @zirauz
Ўзбек тилидаги Telegram канал: t.me/zirauzuz
Рус тилидаги Telegram канал: t.me/zirauz
Таҳририят телефон рақами: +998 99 837 15 15
