«Gazeta.uz» pazandachilik sahifasi bo‘lmish Zira.uz bilan hamkorlikda yarim soatda tayyorlanadigan taomnomalar ro‘yxatini taqdim qiladi.
Dushanba
«Dangasa» tovuq oyoqchalari
Bu eng sodda retseptlardan biri bo‘lib, bu taom uchun tovuq go‘shtini oldindan marinadlab qo‘yish shart emas. Faqatgina ba’zi masalliqlarni tayyorlab olamiz va tovuq oyoqchalariни gaz pechiga qo‘yib pishiramiz. O‘zimiz esa qolgan ishlarimiz bilan bemalol shug‘ullanaveramiz.
Koreyscha ismaloqli salat
Asosiy taomingiz tayyor bo‘lgunicha, ismaloqli mazali va juda foydali salat tayyorlashingiz mumkin. Achchiq ta’mga ega bu salat har qanday taom bilan ham yaxshi yeyiladi.
Seshanba
Mol go‘shtidan stir-fray
Stir-fray deb katta tovada tezda pishiriladigan go‘sht va sabzavotlardan tayyorlanilgan taomga aytiladi. Bu usulda pishirilgan taomning barcha vitaminlari saqlanib qolinadi.
Rukkola, rediska va pomidorlardan salat
Bu salatнинг asosiy masalliqlarini rukkola ko‘kati, pomidor va rediska tashkil qilib, ular birgalikda ajoyib uyg‘unlikni tashkil qiladi. Agar bu salatga kedr yong‘oqlarini qo‘shsangiz, yanada xushta’m salatga ega bo‘lasiz.
Chorshanba
Pomidor va ismaloq qo‘shib tayyorlangan pasta
Pomidor va ismaloqdan tayyorlangan pasta — yorqin ko‘rinishi bilan ishtahani ochsa, go‘shtsiz pishirilishi esa bizni quvontiradi. Pastani ta’bingizga qarab, xohlaganingizni tanlashingiz mumkin.
Tovuqli pashot salati
To‘yimli taom bilan iste’mol qilish uchun tuxumli pashot salati ayni muddao. Salatga ishlatiladigan tuxumni esa mikroto‘lqinli pechda bir pastda tayyorlash mumkin.
Payshanba
Tovuq go‘shtidan tayyorlanilgan kapreze taomi
Bu gaz pechida tezda tayyorlaniladigan kapreze taomi bo‘lib, pishloq va pomidorlar qo‘shilganligi sabab ham tovuq go‘shti juda sersuv bo‘lib pishadi.
Pomidor va qo‘ziqorinli iliq salat
Tovuqli taomingiz tayyor bo‘lgunicha, qo‘ziqorinlardan tayyorlaniladigan ajoyib salat tayyorlab olishingiz mumkin. Bu salatni tayyorlash sizdan bor-yo‘g‘i 15 daqiqa vaqtingizni talab qiladi.
Juma
«Alfredo» qaylali pasta
To‘yimli va qaymoqli bu pasta, gollivud yulduzlarining sevimli taom sanalar ekan. Bu taomni tayyorlashda pasta bilan qaylani bir vaqtda tayyorlash juda muhim.
Qizil baliq va bedana tuxumlaridan salat
Qizil baliqdan tayyorlanilgan yengilgina bu salat bu pasta bilan yaxshi ketadi. Tuxum qaynagunicha ko‘kat va baliqni tayyorlab olishingiz mumkin.
Bundanda ko‘p retseptlar bilan esa Zira.uz sahifasida tanishishingiz mumkin.
Veb-sahifa: zira.uz
Facebook: fb.com/zirauz
Instagram: @zirauz
O‘zbek tilidagi Telegram kanal: t.me/zirauzuz
Rus tilidagi Telegram kanal: t.me/zirauz
Tahririyat telefon raqami: +998 99 837 15 15
