Ўзбекистон Футбол ассоциацияси Сенегал ва Марокашга қарши ўртоқлик учрашувларида қатнашувчи ўйинчилар рўйхатини эълон қилди. Миллий терма жамоа 23 март куни (Тошкент вақти билан 21:00 да) Сенегал, 28 мартда эса Марокаш билан (Тошкент вақти билан 1:00 да) ўйнайди. Ҳар икки учрашув ҳам Марокашда бўлиб ўтади.
Терма жамоа учрашувга янги ташкил этилган тўрт мутахассисдан иборат мураббийлар кенгаши — терма жамоа бош мураббийи Тимур Копадзе,"Бунёдкор" мураббийи Миржалол Қосимов, «Насаф» тренери Рўзиқул Бердиев ва «Пахтакор» мураббийи Шота Арвеладзе раҳбарлиги остида боради.
Таркиб
Дарвозабонлар: Игнатий Нестеров («Локомотив»), Ботирали Эргашев («Навбаҳор»), Элдорбек Суюнов («Пахтакор»);
Ҳимоячилар: Рустамжон Ашурматов («Бунёдкор»), Шерзод Аъзамов («Пахтакор»), Анзур Исмоилов («Чанчунь Ятай»), Ислом Тўхтахўжаев («Локомотив»), Акрам Комилов («Бунёдкор»), Шуҳрат Муҳамадиев («Локомотив»), Акмал Шораҳмедов («Пахтакор»);
Ярим ҳимоячилар: Одил Аҳмедов («Шанхай СИПГ»), Икром Алибоев («Локомотив»), Жалолиддин Мирзаев («Пахтакор»), Сардор Мирзаев («Локомотив»), Фозил Мусаев («Жубило Ивата»), Сардор Рашидов («Локомотив»), Одилжон Ҳамробеков («Насаф»), Отабек Шукуров («Ал-Шаржа»), Жасур Яхшибаев («Пахтакор»), Жавоҳир Сиддиқов («Қўқон-1912»).
Ҳужумчилар: Темурхўжа Абдухоликов («Ал-Сайлия»), Марат Бикмаев («Локомотив»), Элдор Шомуродов («Ростов»).
