«Ўзбекистон ҳаво йўллари» Миллий авиакомпанияси 13 октябрдан «Тошкент-Душанбе-Тошкент» йўналишида чипталар нархини пасайтирди. Бу ҳақда компания матбуот хизмати хабар қилди.
Тошкентдан Душанбега парвознинг якуний қиймати бир томонга 75 евро, Тошкент-Душанбе-Тошкент йўналиши учун эса 153 еврони ташкил этди. Ушбу нарх барча йиғимларни ўз ичига олади. Душанбедан Тошкентга парвознинг якуний қиймати 87 евро ҳамда Тошкент-Душанбе-Тошкент йўналиши бўйича 153 еврони ташкил этади.
Ўзбекистон ҳудудида авиачипталар учун тўлов миллий валютадан сотиш кунида Марказий банк белгилаган курс бўйича амалга оширилади.
«Ўзбекистон ҳаво йўллари» Тожикистон пойтахтига парвозларни ҳафтанинг сешанба кунлари А320 самолётларида амалга оширмоқда.
