«Ўзбекнефтгаз» ва CNODC (Хитой миллий нефтгаз корпорацияси шўъба компанияси, CNPC) компаниялари иштирокидаги New Silk Road Oil And Gas корхонаси Бухоро вилоятидаги газ конденсати конини жиҳозлашга киришди. Бу ҳақда «Ўзбекнефтгаз» компанияси «Газета.uz"га хабар қилди.
2013 йилнинг сентябрида «Ўзбекнефтгаз» ва CNODC Қорақўл инвестицион блоки конини қўшимча разведка қилиш ва қазиб олишни бошлаш бўйича корхона ташкил этган эди. Қоракўл блокида олиб борилган геологик разведка ишлари натижасида аниқланган Хўжадавлат, Шарқий Олот ва Денгизкўл конининг Хўжасаят участкаларидаги газ-конденсат конлари мазкур корхона учун хом ашё базаси ҳисобланади.
Яқинда Хўжасаят участкасида конни жиҳозлаш бўйича ишлар бошланишига бағишланган расмий маросим бўлиб ўтди. Корхона лицензион майдонида майдончасида конни жиҳозлаш ҳамда 16 та эксплуатацион қудуқ қуриш, бир йилда 1 миллиард куб метргача табиий газ ва 6500 тонна конденсат қизиб олиш режелаштирилган.
«Президент Шавкат Мирзиёевнинг Хитойга ташрифи ва CNPC раҳбарияти билан учрашув вақтида лойиҳани молиялаштириш билан боғлиқ масалалар ҳал этилиб, бу уни амалга ошириш жараёнини тезлаштиришга имкон берди», — деб қайд этди холдинг вакили. Унинг сўзларига кўра, CNPC Хитой банклари билан лойиҳани молиялаштириш бўйича кредит шартномасини имзолади.
Лойиҳа қиймати 378 млн доллар бўлиб, корхона маблағлари ҳамда CNPC кафолати остидаги Хитой кредитлари ҳисобига молиялаштирилади.
