Россия Президенти Владимир Путин Ўзбекистон Президенти Ислом Каримовни мамлакат мустақиллигининг 25 йиллиги муносабати билан муборакбод этди. Бу ҳақда ЎзА хабар қилди.

«Мамлакатингиз ижтимоий-иқтисодий, илмий-техникавий, гуманитар ва бошқа соҳаларда салмоқли ютуқларга эришди. Ўзбекистоннинг жаҳон майдонидаги обрў-эътибори бениҳоя юқоридир», — дейилади табрикда.

«Дўстлик ва ўзаро ҳурматнинг эзгу анъаналарига таянувчи давлатларимиз ўртасидаги муносабатлар стратегик шериклик ва иттифоқчилик руҳида фаол ривожланиб бормоқда. Ишончим комилки, биз ўзаро манфаатли икки томонлама ҳамкорликни бундан буён ҳам барча йўналишларда мустаҳкамлаб, долзарб халқаро масалаларни ечишда саъй-ҳаракатларимизни самарали равишда мувофиқлаштириб бораверамиз. Бу Россия ва Ўзбекистон халқларининг туб манфаатларига жавоб беради, минтақавий барқарорлик ва хавфсизликни таъминлашга хизмат қилади», — таъкидлаб ўтди Владимир Путин.

Шунингдек, Буюк Британия Қироличаси — Елизавета II, Япония Императори — Акихито, Бельгияликлар Қироли — Филипп, Франция Республикаси Президенти — Франсуа Олланд, Ҳиндистон Республикаси Президенти — Пранаб Мукержи, Қозоғистон Республикаси Президенти — Нурсултон Назарбоев, Молдова Республикаси Президенти — Николае Тимофти, Туркия Республикаси Президенти — Режеп Таййип Эрдўғон, Туркия Республикаси Бош вазири — Бинали Йилдирим, Чехия Республикаси Президенти — Милош Земан, Словакия Республикаси Президенти — Андрей Киска, Болгария Республикаси Президенти — Росен Плевнелиев, Малайзия Қироли — Абдул Халим Муадзам Шоҳ Янг ди-Пертуан Агонг XIV, Фаластин Давлати Президенти, Фаластин Озодлик Ташкилоти Ижроия Қўмитаси Раиси — Маҳмуд Аббос, Бангладеш Халқ Республикаси Президенти — Абдул Ҳамид, Исроил Давлати Президенти — Реувен Ривлин, Сингапур Республикаси Президенти — Тони Тан Кенг Ям, Бирлашган Араб Амирликлари Бош вазирининг ўринбосари, Ички ишлар вазири — Сайф бин Зоид Ол Наҳаён, Бельгия парламенти Вакиллар палатаси раиси — Зигфрид Браке, Шанхай ҳамкорлик ташкилоти Бош котиби — Рашид Алимов, ШҲТ Минтақавий аксилтеррор тузилмаси Ижроия қўмитаси директори — Евгений Сисоев, Жаҳон банкининг Европа ва Марказий Осиё мамлакатлари бўйича вице-президенти — Сирил Мюллер, Корея халқаро ҳамкорлик агентлиги (КОIСА) президенти — Ким Ин Сук, Корея Экспорт-импорт банки раиси ва президенти — Ли Дук Хун, «Самсунг Инжиниринг» президенти ва бош ижрочи директори — Пак Чунг Хим, «ЛУКОЙЛ» компанияси президенти — Вагит Алекперов, Хитой миллий нефть-газ корпорацияси директорлар кенгашининг раиси — Ван Илинь, «Поли Текноложиз» компанияси президенти — Ван Линь, «ZTE» корпорацияси президенти — Чжао Сяньмин, «Сумитомо Корпорейшн» Бошқаруви раиси — Казуо Омори, «Марубени Корпорейшн» Бошқаруви раиси — Теруо Асада, «Мицубиси Хитачи Пауэр Системс» Бошқаруви раиси — Кожи Танака, «Мицубиси Хэви Индастриз Лтд.» президенти ва катта ижрочи директори — Шунъичи Миянага, «Фужицу Лимитед» президенти — Тацуя Танака, «Исузу Моторс Лимитед» Бошқаруви раиси ва ваколатли директори — Сусуми Хосои, «ИТОЧУ Корпорейшн» президенти — Масахиро Окафудзи, Кувайт араб иқтисодий тараққиёт жамғармаси бош директори — Абдулваҳоб ал-Бадир, Европа Иттифоқининг Марказий Осиё бўйича махсус вакили — Петер Буриан, Европа Парламенти депутати, Европа Парламентининг Марказий Осиё бўйича делегацияси раиси — Ивета Григуле, Инҳа университети президенти — доктор Чой Сунжа, Нагоя университети президенти — Сеичи Мацуо, Европа менежмент ва технологиялар мактаби президенти — Йорг Рохолл, Москва ва Бутун Россия Патриархи — Кирилл, Тошкент ва Ўзбекистон Митрополити, Ўрта Осиё Митрополия округи раҳбари — Викентий ўз табрикларини йўллаган.

Қутловлар келиши давом этмоқда, қайд этади ЎзА.