Ўзбекистон Президенти Ислом Каримов Белгияликлар Қироли Филиппга кўплаб инсонларнинг ҳалок бўлишига олиб келган Бруссел шаҳридаги террорчилик ҳаракатлари муносабати билан мактуб йўллади.
Давлат раҳбари қурбон бўлганларнинг оила аъзоларига ва яқинларига ҳамда жабрланганларга чуқур ҳамдардлик билдирди, деб хабар қилди ТИВ матбуот хизмати.
Сешанба куни эрталаб Брюссель халқаро аэропортида икки маротаба портлаш содир этилди. Учинчи портлаш эса метронинг «Мальбек» бекатида рўй берди. Портлашлар оқибатида 31 киши ҳаётдан кўз юмган, 270 киши жароҳатланган.
Аввалроқ ТИВ портлашлар натижасида қурбон бўлганлар ва жароҳатланганлар рўйхатида Ўзбекистон фуқаролари йўқлигини маълум қилди.
