29 сентябрь куни Киночилар уйида 3 та ҳужжатли фильм тақдимоти ва ўша фильмлар қаҳрамонлари билан учрашув бўлиб ўтади, деб хабар қилади «Ўзбеккино» Миллий агентлиги матбуот хизмати.
Агентлик буюртмасига кўра, жорий йилда филолог олимлар Азиз Қаюмов, Наим Каримов ва ёғоч ўймакорлиги устаси Ортиқ Файзуллаевга бағишланган «Адабиёт сарманзиллари», «Дониш дарахти» ва «Уста» номли ҳужжатли фильмлар суратга олинди.
Ўқитувчи ва мурабийлар куни арафасида ўтказиладиган «Эъзоз ва эҳтиром кечаси»да зикр этилган фильмлар қаҳрамонлари билан ижодий учрашув ўтказилади ва ҳужжатли фильмлар намойиш этилади.
