4 yanvardan boshlab UzAuto Motors shartnoma tuzish, avtomobillarni topshirish va to‘lovlarni qabul qilishni vaqtincha to‘xtdi, deb xabar bermoqda kompaniya matbuot xizmati.
Kompaniya bu qarorni hisob dasturiy ta’minotini amalga oshirish va mahsulot inventarizatsiyasini o‘tkazayotgani bilan izohladi.
Bundan tashqari, dasturiy ta’minotni ishga tushirish tadbirlaring o‘tkazilishi munosabati bilan UzAvtoSavdo ilovasi faoliyati ham vaqtincha to‘xtatib turilishi mumkin.
Ta’kidlanishicha, dasturiy ta’minotni yangilash va inventarizatsiya ishlari yakunlangandan so‘ng, kontraktatsiya shartnomalarini tuzish, oldindan to‘lovni qabul qilish va avtomobilni yetkazib berish to‘liq hajmda qayta tiklanadi. Kompaniya iste’molchilardan 4−5 kun davom etishi mumkin bo‘lgan vaqtinchalik noqulayliklarni tushunishlarini so‘radi.
«2022 yil, yangi yil arafasida avtomobil yetkazib berish bo‘yicha shartnoma tuzgan va 7 kun ichida oldindan to‘lovni amalga oshira olmagan shaxslar ish qayta tiklanganidan so‘ng, avtomobil uchun oldindan to‘lovni amalga oshirishi mumkin. Shu bilan birga, ular tomonidan avtomobil yetkazib berish bo‘yicha tuzilgan shartnomalar o‘z kuchida qoladi, faqat oldindan to‘lov muddati uzaytiriladi», — deyiladi xabarda.
