O‘zbekiston Vazirlar Mahkamasining 2024-yil 25-martdagi qarori bilan mamlakat hududida joylashgan binolar devorlarida ishlangan 157 ta mozaika kompozitsiyalari Moddiy madaniy merosning ko‘chmas mulk obyektlari milliy ro‘yxatiga kiritildi. Hukumat ushbu qarorni mozaika, panno va tasviriy san’at asarlarini har tomonlama o‘rganish, asrab-avaylash va ulardan oqilona foydalanish, shuningdek, ularning mamlakat turizm salohiyatini rivojlantirishdagi rolini oshirish maqsadida qabul qilgan.
“Gazeta.uz” hukumat qarori bilan davlat muhofazasiga olingan mozaikalar ro‘yxatini taqdim etadi.
Qayd etish joiz, hukumat qarori mamlakatdagi barcha mozaikali binolarni qamrab olmagan. Ma’lumotlarga ko‘ra, ro‘yxat bosqichma-bosqich to‘ldirib boriladi. Aholi himoya qilinishi lozim bo‘lgan mozaikalar haqida xabar berishi mumkin, bu borada maxsus tizimi ham yo‘lga qo‘yilgan. Shu asosda allaqachon bir necha mozaikali binolar reklamalardan tozalandi.
Davlat muhofazasiga olingan mozaikali binolar ro‘yxati
