22 апрель куни соат 03:24 ҳолатига кўра Ўзбекистоннинг доимий аҳолиси сони 37 000 000 кишини ташкил этди. Бу ҳақда Статистика агентлиги хабар қилди.
Бунда эркаклар сони 18,5 миллион, аёллар сони эса 18,3 миллион.
Скриншот: Telegram / @muhrim2022
Мамлакат аҳолиси 2024 йил бошида 36,8 млн кишини ташкил этган. Ҳар бир ойда ўртача 54,5 минг кишига ошган. Ҳар бир кунда эса ўртача 1,8 минг кишига кўпаймоқда.
1 январь ҳолатига кўра, 1 км кв ер майдонига ўртача 82,3 нафар доимий аҳоли сони тўғри келади. Шаҳар жойларда — салкам 19 млн киши, қишлоқ жойларда — 18 миллиондан зиёд киши яшайди.
Прогнозлаштириш ва макроиқтисодий тадқиқотлар институтининг маълум қилишича, Ўзбекистонда охирги 5 йилда туғилишнинг кескин ўсиши кузатилган. Прогнозларга кўра, туғилиш суръати 2030 йилгача бир маромда (ўртача 900−950 минг) давом этади ва аҳоли сони 41 милллиондан ошади.
