Туркия Тожикистон фуқаролари учун визасиз режимни бекор қилди. Бу ҳақда президент Ражаб Тоййиб Эрдоғаннинг қарорида айтилган. Ҳужжат президентнинг расмий нашрида эълон қилинди.
«Тожикистоннинг чет эл паспортига эга бўлган фуқаролари учун Туркияга саёҳат қилишда визасиз режимни бекор қилишга қарор қилинди», — дейилади ҳужжатда.
Мазкур чора «Чет элликлар ва халқаро ҳимоя тўғрисида»ги қонун асосида қабул қилинган. Қарор эълон қилинган пайтдан эътиборан кучга киради.
Эслатиб ўтамиз, Марказий Осиёдан келган муҳожирлар Москвадаги «Крокус»да теракт содир этишда айбланаётгани фонида Россияда муҳожирларга қарши чоралар, хусусан, виза режимини жорий этиш муҳокама қилинганди.
