Бухоро вилояти Жондор туманида Зарафшон дарёсидаги устидан юк машинаси ўтиб кетаётган кўприк қулаб тушди. Бу ҳақда туман ҳокимлиги хабар қилди.
Ҳокимлик қайд этишича, ҳодиса оқибатида қурбонлар бўлмаган. Ҳокимлик томонидан ишчи гуруҳ тузилган ва у ҳолат бўйича ўрганишларни олиб бормоқда.
Ишчи гуруҳнинг якуний натижаси бўйича батафсил маълумот берилади, дейилади хабарда.
Аввалроқ Қашқадарё вилояти Муборак туманида ҳаракатланиш вақтинча чекланган кўприк оғир юк машинаси ўтиши оқибатида қулаб тушган эди.
