Футбол бўйича Ўзбекистон терма жамоаси бош мураббийи Сречко Катанец 2026 йилги Жаҳон чемпионати иккинчи саралаш босқичининг учинчи ўйинида ўз футболчиларининг Гонконг устидан қозонган ғалабаси ҳақида фикр билдирди.
«Аввало жамоамга бугунги ўйин учун миннатдорчилик билдирмоқчиман. Биринчи бўлимда кўплаб вазиятлар юзага келтирган бўлсак ҳам, иккита гол кирита олмадик. Бироқ 2-бўлимга келиб, рақиб жарима майдончаси яқинида агрессивроқ ўйнадик. Хавфли вазиятларни кўпайтириб, 2 та гол киритишга муваффақ бўлдик. Дарвозабонимиз ҳам жуда яхши ўйин кўрсатди, бир қанча хавфли зарбаларни қайтариб қолди. Бугунги натижадан қониқиш ҳосил қилдим, яхши ўйин кўрсатдик», деди мураббий.
Шунингдек, жамоа фаворити Элдор Шомуродов ўйинда футболчилар тўлиқ назоратни ўз қўлига олганини айтди.
«Икки бўлимда ҳам биз ўйинни назорат қилдик. Ўйлашимча, фақат гол уришга озроқ қийналдик. Лекин, ҳаммада ишонч бор эди. Хоҳлаган натижага эришдик», — деди жамоа сардори.
Катанец Гонконг терма жамоасига қарши кечган ўйин ҳақида гапирди: Жамоанинг бошқа жамоаларга қарши одатда ўйинлари қандай бўлганини кузатмадим. Бироқ, бугун биз яхшироқ ўйнаганимиз аниқ… Ўйлашимча бугун футболчиларим имкониятидан ҳам юқори ўйин кўрсатди деб ўйлайман. Гонгонг терма жамоаси ҳам жуда қаттиқ қаршилик кўрсатдди ва бир қанча вазиятларда яхши ўйнашди. Бироқ, улар Осиё кубогида Эронга қарши ўйинда зўр имкониятлар яратиб, гол кирита олмаганди. Бугун бизга қарши ўйинда деярли хавфли ҳжужумлар уюштира олишмади ва бу энг яхши ўйинларимиздан бири бўлганидан далолат. Кейинги учрашувларда ҳам худди шундай ўйин кўрсатишга ҳаракат қиламиз. Жаҳон чемпионатида саралаш учрашувларидаги ҳар бир ўйин, очко биз учун муҳим, деди у.
Бундан ташқари, Элдор Шомуродов ўйин майдонининг сифати паст эканини таъкидлади.
«Майдон ҳақида айтиб ўтмоқчи эдим. Ўйлашимча, биринчи ўйинимиз Туркманистонга қарши ўйинда ҳам меҳмонда жуда бир сифати ёмон майдонда бўлиб ўтди. Билишимча, улар кўп ўйинларни табиий майдонда қабул қилган. Бизга қарши эса ўша майдонни танлади. Гонконгни бошқа ўйинларини ҳам кўрдик: нисбатан яхшироқ майдонда ҳамма ўйинлари бўлиб ўтган. Бизга қарши сифати анча ёмон майдонни танлаган. Ўйлашимча, бу ҳақида ОФК қандайдир қарор қилиши керак. Чунки, бундай майдонларда футболчилар жароҳат олиши жудаям осон. [Стадион] шундан ҳимоя қилишлари керак деб ўйлайман», дея сўзлади футболчи.
Унинг ўйлашича, ЖЧнинг саралаш ўйинлари учун бу майдонлар талабга жавоб бермайди. Футболчининг фикрини мураббий ҳам инкор этмади.
Биз ўйнаган майдон ўлчами бироз кичикроқ экан. Бироқ, футболчилар майдон ҳақида гапирмаслиги керак. Қоидалар ҳамма учун бир хил бўлиши керак. Нима учун Эрон Гонконгга қарши нормал майдонда ўйнайди, биз эса йўқ? Бу ҳақда жиддий ўйлаб кўриш керак. Бу футболчиларга муаммо туғдиради. Сиз ён чизиқдан тўпни ўйинга киритасиз, бироқ, ўлчами кичик майдонда сиз ўйлаган режа амалга ошмаслиги мумкин. Шунга қарамасдан биз яхши ўйин кўрсатдик, дейди Катанец.
