UzAuto Motors компанияси chevrolet.uz савдо сайтида 4 та бюджет Chevrolet моделларининг янгиланган нархларини эълон қилди.
Бунга ижтимоий тармоқ фойдаланувчилари эътибор қаратди. Автомобиллар нархи ошганини UzAuto Motors матбуот хизмати «Газета.uz»га тасдиқлади.
Автомобиллар энди қуйидаги нархларда таклиф этилади:
- Cobalt GS-Style Plus MT — 133 598 000 сўм (илгари 124 264 000 сўм эди);
- Cobalt GX-Style Plus AT — 156 589 000 сўм (146 757 000 сўм).
- Damas D2 DLX Style Plus — 100 325 000 сўм (96 932 000).
UzAuto Motors`нинг қайд этишича, ишлаб чиқариш ҳажмини ошириш бўйича узлуксиз ишлар «компанияга «воситачилар»ни четлаб ўтиб, якуний мижозлар учун автомобиллар мавжудлиги ошириш имконини берган».
«UzAuto Motors бозорда талаб ортиб бораётганига ҳисобга олган ҳолда Damas, Labo ва Chevrolet Cobalt автомобилларини ишлаб чиқариш ҳажмини қўшимча равишда ошириш масаласини ишлаб чиқди. Бундан ташқари, олдинги шартнома пайтида кечиктирилган тўлов 2024 йилда ишлаб чиқарилган автомобилларнинг бир қисмини чиқаришга олиб келди, бу эса компанияга қўшимча автомобилларни таклиф қилиш имконини беради», — дейилади хабарда.
Автомобиль ишлаб чиқарувчининг хабар беришича, контрактация учун очиладиган қўшимча ҳажм 2024 йилнинг иккинчи ярмида ишлаб чиқарилади ва буни ҳисобга олган ҳолда Damas, Labo и Cobalt автомобилларининг нархи 3,5−6,7 фоизгача бўлган оралиқда ошади.
Бундан ташқари, UzAuto Motors халқаро стандартларга мувофиқ ривожланган мамлакатларда қабул қилинган автомобилларни сотиш тизимини босқичма-босқич жорий этишини маълум қилди.
«Ушбу тизимга кўра, дилерликларга кейинчалик сотиш учун автомобилларни харид қилиш имконияти берилади. Шу билан бирга, дилерликларга автомобиль учун тавсия этилган чакана қиймат белгиланади. Ушбу ёндашув нафақат дилерлик марказлари ўртасидаги рақобатни кучайтиради, балки хизмат кўрсатиш сифатини яхшилайди. Дилерлик марказлари хизмат кўрсатиш сифати ва инновацион хизматларни яхшилаш орқали қўшимча опциялар ва аксессуарларни таклиф қилиш имкониятига эга бўлишади», — дея қайд этган автомобиль ишлаб чиқарувчиси.
2023 йилнинг октябрь ойида UzAuto Motors ўз моделлари нархини ўртача 5,1 фоизга оширганди, кейин эса декабрь ойида яна бир нарх ошиши кузатилганди.
Эслатиб ўтамиз, 2024 йил январидан бошлаб UzAuto Motors Gentra/Lacetti автомобилларини ишлаб чиқаришни тўхтатганди.
