5 март куни Тошкент вилояти Ўрта Чирчиқ туманида поезд уриб юборган 31 ёшли эркак вафот этди. Бу ҳақда MilliyTV телеканалининг «Миллар» дастури хабар берилди.
Қайд этилишича, эркак темирйўлнинг белгиланмаган қисмидан ўтаётган бўлган. Оқибатда уни йўловчи поезд уриб юборган ва эркак воқеа жойида вафот этган.
Терговга қадар текширув ишлар давомида фуқаро спиртли ичимлик истеъмол қилгани аниқланган. Марҳумнинг онаси ўғлининг бир кун олдин фарзандли бўлгани, аёлини туғруқхонадан олиб чиқиш учун тайёргарлик кўриш мақсадида уйидан чиқиб кетганини билдирган.
Ҳозирда ҳолат юзасидан Тошкент транспорт прокуратураси томонидан тергов ишлари олиб борилмоқда.
