Ўзбекистонлик гроссмейстер Нодирбек Абдусатторов динамик (онлайн) рейтингда дунёнинг энг кучли 10 шахматчиси қаторидан жой олди.
Ўтган дам олиш кунлари Абдусатторов «Фирнхайм» клубида сафида Германия жамоалар ўртасидаги шахмат чемпионатида (Бундеслига) иккита ғалаба ва бир дуранг қайд этди.
Сўнг ўзбекистонлик спортчи Prague International Chess Festival супертурнирининг биринчи даврасида гроссмейстер Тхай Дай Ван Нгуенни мағлуб этди.
Бу унинг рейтингини 2753,5 баллга ва беш поғонага кўтарди: динамик рейтингда 10-ўринга.
Нодирбек Абдусатторов ўзбекистонлик шахматчилар ўртасида рекорд ўрнатди: бир йил аввал у энг юқори рейтингга эга бўлган бўлса, эндиликда у дунёнинг кучли ўнталигига кирди. Бунгача фақат Рустам Қосимжонов 2715 балл билан 11-ўринни эгаллаганди.
Prague Chess Festival 2024 27 февралдан 7 мартгача Чехия пойтахтида бўлиб ўтади. Турнирда Номзодлар турнирининг уч иштирокчиси: Прагнанандха Рамешбабу, Видит Сантош Гуджрати и Гукеш Доммараджу кураш олиб боради. Улардан ташқари Нодирбек Абдусатторов, Винсент Каймер, Рихард Раппорт, Пархам Магсудлу, ўн карра Чехия чемпиони Давид Навара, тўрт карра Польша чемпиони Матеуш Бартель, шунингдек, яна бир маҳаллий вакил Тай Дай Ван Нгуен ўйнамоқда.
Январь ойида Нодирбек Абдусатторов кучли шахматчилар билан Tata Steel Chess супертурнирида қатнашиб, 13 турдан ортиқ ўйинда олтита ғалаба қозонди, беш марта дуранг ўйнади ва икки марта мағлубиятга учради. «Газета.uz» ушбу турнир ўзбекистонлик футболчи учун қандай кечгани ҳақида ёзганди.
