Шавкат Мирзиёев ва Беларусь президент Александр Лукашенко «Амирсой» тоғ дам олиш масканига ташриф буюрди, деб хабар қилди давлат раҳбари матбуот хизмати.
Кеча Тошкентда бўлиб ўтган музокараларда давлат раҳбарлари маданий-гуманитар йўналишда, шу жумладан, спорт ва туризм соҳаларида фаол алмашинувларни давом эттиришга келишиб олган Аввал хабар қилинганидек, 2024−2025 йилларда спорт соҳасида ҳамкорлик бўйича дастур ва туризм соҳасида ҳамкорлик бўйича чора-тадбирлар режаси имзоланган.
Тошкент вилоятининг Бўстонлиқ туманидаги «Амирсой» тоғли дам олиш масканига сўнгги уч йилда 4 миллионга яқин сайёҳ ташриф буюрган.
Давлат раҳбарлари мазкур мажмуага ташрифи чоғида спортчилар ва сайёҳлар учун яратилган шароитлар билан танишиб, икки давлат ўртасида туризм алмашинувини кенгайтириш юзасидан фикр алмашди.
«Етакчилар самимий мулоқотни тоғ-чанғи трассасида давом эттириб, биргаликда чанғи учди», — дейилади хабарда.
Фото
