Тошкент марказида, Миробод ва Нукус кўчалари чорраҳасида 7 февраль, пайшанба куни тушдан кейин учта автомобиль — Matiz, Kia ва Zeekr тўқнашди.
Интернетда тарқалган видеода Zeekr катта тезликда, эҳтимол, қизил чироқда, ҳаракатланаётиб чапга бурилаётган Matiz ва Kia автомобилларига бориб урилганини кўриш мумкин.
Ҳодиса оқибатида Zeekr пиёдалар йўлакчасига, Kia эса пиёдалар йўлакчаси ёнидаги майсазорга чиқиб кетган. Барча транспорт воситалари жиддий шикастланган, энг катта зарар Zeekr автомашинасига етган.
Ҳар учала автомашинанинг ҳайдовчилари, шунингдек, Zeekr машинасидаги йўловчи касалхонага ётқизилган, деб хабар берди пойтахт ИИББ ЙҲХБ матбуот хизмати.
