Президент қарори билан Рамазон Ахматхўжаевич Ашрапов Ички ишлар вазирининг ўринбосари — Тергов департаменти бошлиғи лавозимига тайинланди, дея хабар бермоқда вазирлик матбуот хизмати.
У бу лавозимда январь ойи ўрталарида ишдан олинган Яхёжон Абдулхаков ўрнини эгаллади.
Полковник Рамазон Ашрапов шу пайтга қадар Тошкент вилояти Ички ишлар бош бошқармаси бошлиғининг ўринбосари — Тергов бошқармаси бошлиғи лавозимида хизмат қилган.
