4 сентябрь куни Ўзбекистонда янги ўқув йили бошланди. Мактаб ва олий ўқув юртларида дарслар тикланди.
6,5 миллиондан ортиқ ўқувчилар — 10 160 та умумтаълим мактабларида — биринчи қўнғироқ чалинди. Жорий ўқув йилида 730 мингдан ортиқ болажонлар умумтаълим мактабларининг 1-синфига қабул қилинди, дея маълум қилди Мактабгача ва мактаб таълими вазирлиги. Уларга президент совғалари: 12 турдаги ўқув қуроллари, мактаб сумкаси, дарсликлар мажмуасидан иборат тўпламлар топширилди.
Пойтахт ҳокимлиги маълумотига кўра, пойтахтдаги 336 та умумтаълим мактабида «Биринчи қўнғироқ» чалинди. 1-синфга қабул қилинганлар сони эса 53 764 нафарни ташкил қилди. Тошкентда жами 493 285 нафар ёшлари мактаб таълимига қамраб олинган. Жорий ўқув йилида улар учун умумтаълим фанлари, хорижий тиллар ва касб-ҳунар ўқитишда янгиланиш ва ўзгаришлар бўлади.
«Газета.uz» пойтахт кўчалари, шунингдек, Чилонзор туманидаги 182-сонли ҳамда Юнусобод туманидаги 80-сонли мактаблардан фоторепортажлар тайёрлашди.
Мадина Аъзам суратлари
Маъмуржон Обраҳматов суратлари
Евгений Сорочин суратлари
Азизбек Хамрақулов суратлари
