Ўзбекистон Миллий университети бош биноси қаршисидаги майдонда 23 декабрь куни соат 10:00 дан бошлаб Олот, Қарши ва Термизга талабалар учун қўшимча автобус йўналишлари ташкил этилди. Чипталар университет бош биносида ташкил этилган сайёр кассада сотилади.
Uzbekistan Airways 23−29 декабрь кунлари оралиғида талабалар учун тақдим этилган чегирмаларни ҳисобга олган ҳолда қўшимча маҳаллий авиақатновларни йўлга қўяди.
Давлат ОТМларида 1-курс ва ўқишини кўчиришга тавсия этилган талабалар учун тўлов-контракт маблағларини тўлаш муддати 25 декабрга қадар узайтирилди. Юқори босқичдагиларнинг контрактни тўлаш муддати эса олийгоҳ раҳбари томонидан узайтирилиши мумкин.
CAU (Akfa) университетининг 2 йил тайёрлов курсини битирганлар сабабларсиз ОТМ талабалари сафидан четлатилди. Бунга эски ва янги раҳбарият ўртасидаги низо сабаб бўлмоқда. «Газета.uz» талабалар ва уларнинг ота-оналарига микрофон тутди, университет раҳбарияти эса саволларга жавоб беришни истамади.
Ўзбекистондаги давлат ОТМларида 2023/2024 ўқув йили учун барча босқичдаги тўлов-контракт миқдорлари оширилмайдиган бўлди. Табақалаштирилган контракт миқдори ҳам ўтган йил учун белгиланган миқдорда ўзгаришсиз қолади.
Ётоқхонага жойлашиш учун онлайн ариза топширган ОТМларнинг айрим 1-курс талабалари унинг жавобини ҳануз кутишмоқда. Олий таълим вазирлиги вакили ижтимоий ҳимояга муҳтож контенгент тўлиқ қамраб олиниши учун жараён яна 1−2 кун давом этишини, сўнгра бошқаларнинг аризалари кўриб чиқилишини билдирди.
Ўзбекистондаги барча мактаблар ва олий таълим муассасаларида ўқиш бошланди. 4 сентябрь тонгида Тошкент кўчалари янада гавжумлашди, тирбандликлар кўпайиб, жамоат транспортлари йўловчиларга тўлди, мактабларда биринчи қўнғироқ чалинди, талабалар эса дарсга отланишди. «Газета.uz» фоторепортажи.
Ўзбекистонда 2024 йилдан давлат олий таълим муассасаларининг барча курс талабалари ётоқхонага жойлашиш учун онлайн ариза топшириши мумкин бўлади. Ҳозирча бундай имконият фақат 1-курс талабаларида бор. «Газета.uz» улар учун Ягона портал орқали ариза топшириш йўриқномасини тайёрлади.
Ҳукумат қарори билан IT, математик статистика, дастурлаш тиллари, инглиз тили каби йўналишларда талабалар учун ўқув курслари ташкил этилади. Унда БҲМнинг тўрт баравари (1 млн 320 минг сўм) миқдорида ҳар ойда бир маротаба стипендия бериб борилади. Ўқув курсига талабалар танлов асосида қабул қилинади.
Regulation.gov.uz порталида талабаларнинг 2-курсдан бошлаб ишлашига рухсат бериш тўғрисида қарор лойиҳаси жойлаштирилди. Унга кўра, талабалар ОТМ раҳбари берган сертификат асосида мутахассислиги бўйича ўқишдан бўш вақтида ишлаши мумкин бўлади. Қарор лойиҳасига 27 апрелгача таклиф киритиш мумкин.
ПМТИ экспертлари ОТМлар жойлашувининг шаҳарлар ҳолати ва тирбандлик муаммосига таъсирини ўрганди. Сўровда иштирок этган талабаларнинг 78 фоизи тирбандликни асосий муаммолардан бири деб баҳолаган. Бироқ уларнинг ўқиш давридаги фаоллиги тирбанд йўллар узунлиги 11,3 кмгача ошишига сабаб бўлади.
Президент топшириғига асосан, Қрим ва Севастополда таҳсил олаётган ўзбекистонлик талабаларга ўқишини Ўзбекистондаги ОТМларга кўчиришга рухсат берилди. Аввалроқ бу бўйича талабалар давлат раҳбарига видеомурожаат йўллаган эди.
Қримдаги тиббиёт университетида таҳсил олаётган ўзбекистонлик талабалар ўқишларини ватандаги ОТМларга ўтказишда ёрдам сўраб президент Шавкат Мирзиёевга мурожаат қилди.
Нон шаҳри — пойтахтда нега талабага бошпана топилиши қийин? Нима учун уй эгалари ижарачи сифатида талабаларни танламайди? Эълонларда «Талабалар безовта қилмасин, фақат оилага берилади» деб ёзилишига сабаб нима? «Газета.uz» ҳар икки томон билан суҳбатлашиб, муаммога ечим топишга ҳаракат қилиб кўрди.
Сентябрь ва октябрь ойида шартномасиз ижарада яшовчи 1-курс талабаларига икки ойлик тўловнинг бир қисми тўлаб берилади. Ноябрь ойидан эса тўловлар фақат ижара шартномасини тақдим этган талабалар учун давом эттирилади.
Украинага чегарадош ҳудуддаги Россиянинг Курск давлат тиббиёт университетида ўқиётган ўзбекистонлик талабалар ўқишни кўчиришни сўраб Шавкат Мирзиёевга мурожаат қилди. Ўзбекистон элчихонаси дипломатлари вазиятни ўрганиш ва мавжуд муаммоларни ҳал қилиш мақсадида Курск вилоятига жўнаб кетди.
Янгиҳаёт туманидаги Tashkent Index мажмуасида 10 минг талаба учун вақтинчалик ётоқхона ҳозирланмоқда, эҳтиёжга қараб жой 20 мингтагача кўпайтирилади. Бу ерда ошхона, ҳаммом ва кир ювиш хоналари ҳам ташкил этиляпти. Ижара нархи, транспорт масаласи ва қачон кўчиб ўтилиши — «Газета.uz» фоторепортажида.
Ўзбекистондаги ОТМларда таълим олаётган 211 минг нафар талабанинг турар-жойга эҳтиёжи бор, шундан фақат 91 минг талаба ётоқхонага жойлашиши мумкин. «Турар-жойга эҳтиёжи бор талабаларнинг 47 фоизи ётоқхоналар билан таъминланган», — деди Абдуқодир Тошқулов.
Олий таълим вазири Абдуқодир Тошқулов талабалар ижара субсидиясининг шартномасиз варианти устида иш олиб борилаётганини айтди. Унга кўра, ижара субсидиясини кимларга беришни талабалар гуруҳда ўзи ҳал қилади. Илмий кенгаш тасдиқлагач, субсидия талабаларнинг пластик карталарига ўтказиб берилади.
«Газета.uz» янги ўқув йилининг илк кунида «Талабалар шаҳарчаси» дан фоторепортаж тайёрлади. Суҳбат чоғида талабалар ва уларнинг ота-оналари биринчи кунданоқ ноҳуш кайфият ва чорасизликдан бошлангани, олийгоҳ ётоқхонасига жойлашишдаги қийинчиликлар ва ижарага уй олиш қимматга тушишини айтишмоқда.
Қўшимча имкониятларга эга булиш учун сайтда рўйхатдан ўтинг