Янги ўқув йилидан коллеж-техникумнинг 1−2 курсида таълим тизими ва уни баҳолаш олийгоҳлар билан тенглашади. Техникумларда ҳам олийгоҳларда тан олинадиган «кредит тизими» яратилади. 2 йил етарли «кредит» тўплаганлар «2+2» ёки «2+3» дастури асосида ОТМнинг 2 ёки 3-курсларида таълимни давом эттиради.
Ўзбекистондаги барча мактаблар ва олий таълим муассасаларида ўқиш бошланди. 4 сентябрь тонгида Тошкент кўчалари янада гавжумлашди, тирбандликлар кўпайиб, жамоат транспортлари йўловчиларга тўлди, мактабларда биринчи қўнғироқ чалинди, талабалар эса дарсга отланишди. «Газета.uz» фоторепортажи.
2023/2024 ўқув йилида 17 мингта магистратура квотаси учун 20 минг абитуриент ариза юборди. Уларнинг 13,2 минг нафари — хотин-қизлар. Ҳужжат топширганларнинг 4 фоизида давлат мукофоти бор ёки номдор стипендия соҳиби. 3 фоизи эса ногиронлик имтиёзига эга.
2023−2024 ўқув йили учун давлат ОТМларига кириш тест синовлари 1 августдан бошланиб, 13 августда тўлиқ якунланади. Имтиҳонлар кунига 2 сменада ўтказилади.
Президент фармойиши билан 2023/2024 ўқув йили учун давлат ОТМларига давлат гранти квоталари тасдиқланди.
Ўзбекистонда 2023/2024 ўқув йили учун тест синовлари ўтказиладиган 92 та ёпиқ иншоот танлаб олинди. Пандемия туфайли жараён 3 йилдан буён очиқ ҳавода ташкил этилаётганди. Май ойи бошида ЖССТ коронавирус глобал фавқулодда ҳолат мақомини йўқотганини маълум қилган.
Regulation.gov.uz порталида талабаларнинг 2-курсдан бошлаб ишлашига рухсат бериш тўғрисида қарор лойиҳаси жойлаштирилди. Унга кўра, талабалар ОТМ раҳбари берган сертификат асосида мутахассислиги бўйича ўқишдан бўш вақтида ишлаши мумкин бўлади. Қарор лойиҳасига 27 апрелгача таклиф киритиш мумкин.
Ўзбекистондаги олий ўқув юртлари, коллеж ва техникумларда контракт маблағларини тўлаш муддати 15 мартга қадар узайтирилди.
Олий таълим вазирлиги ОТМ, коллеж, касб-ҳунар мактаблари ва академик лицейларда ўқиш 23 январдан бошланишини маълум қилди.
Олий таълим вазирлигининг маълум қилишича, олий ўқув юртлари, техникум, коллеж, касб-ҳунар мактаблари ва академик лицейларда ўқиш маҳаллий ҳокимият органлари билан келишилган ҳолда 11 январдан босқичма-босқич бошланади. 20 январга қадар якуний назорат ишлари ташкил этилмайди.
Олий таълим, фан ва инновациялар вазирлигининг маълум қилишича, ОТМларда контракт тўловини тўлаш муддати 20 январгача узайтирилди. Қарор билан 2022 йил 10 декабрдан кейин контрактини тўлаганларнинг тўлови ҳам инобатга олинадиган бўлди.
Россиядаги айрим ОТМлардан ўқишни Ўзбекистонга кўчириш бўйича аризалар қабул қилиш муддати 10 кунга узайтирилди. Аввалги муддат 1 ноябрдан 20 ноябргача этиб белгиланганди. Ўқишини кўчириш истагини билдирган фуқаролар my.dtm.uz сайти орқали онлайн ариза беришлари мумкин.
Давлат ОТМларда тўлов-контракт маблағларини тўлаш муддати 10 декабргача узайтирилди. Ўқишини кўчираётган талабалар учун бир йиллик ўқитиш қийматининг 50 фоизини тўлаш ва талабалар сафига қабул қилишнинг сўнгги муддати ҳам 10 декабрь этиб белгиланди.
Иқтисодий тараққиёт ва камбағалликни қисқартириш вазирлиги ишлаб чиққан Вазирлар Маҳкамаси қарори лойиҳасига кўра, олий маълумотга эга бўлмаган ҳоким ёрдамчилари суҳбат асосида ОТМга қабул қилиниши мумкин.
Ҳукумат қарори билан республикадаги барча тиббиёт олийгоҳлари битирувчиларига тўлиқ ставкагача ишлашга рухсат берилади. ССВ шифокорларга бўлган эҳтиёжни аниқлайди ва 1 октябрдан Сурхондарё вилоятида, 1 ноябрдан эса барча ҳудудларда талабаларни вакант ўринларга ишга жойлаштиради.
Талабаларга декабрнинг охирги 10 кунлиги ва январнинг биринчи 10 кунлиги оралиғида ҳар йилги 2 ҳафталик қишки таътил берилади. Таътил шу пайтгача 1992 йилдаги президент фармони билан берилган. 2022 йил 31 августда у ўз қучини йўқотгандан сўнг, бу борада Вазирлар Маҳкамаси қарори қабул қилинди.
2022/2023 ўқув йилида шу вақтгача 27,8 минг нафар талабага берилган 317 млрд сўмдан зиёд имтиёзли кредитнинг 242 млрд сўмини аёллар олди. Аввалроқ, президент олий ҳамда ўрта махсус ва профессионал таълимда ўқувчи хотин-қизларнинг 7 йилга фоизсиз таълим кредитини олиши ҳақида қарор чиқарганди.
Давлат қабул комиссияси қарори билан супер-контракт бўйича қўшимча тартиблар белгиланди. Хусусан, бешала йўналишга ҳам ўқишга кира олмаган абитуриентлар биринчи йўналишни танлаб, супер-контрактда ўқишига рухсат берилади.
Фақат қорақалпоғистонлик ёшлар учун мамлакатдаги барча олийгоҳларга алоҳида 6,5 мингта қабул квотаси ажратилади, дея маълум қилди Шавкат Мирзиёев жума куни Жўқорғи Кенгесдаги нутқи давомида.
ОТМларнинг бакалавриат таълим йўналишларига кириш тест синовларида иштирок этган абитуриентлар учун профессионал таълим муассасаларига кириш учун ҳам рўйхатдан ўтиш имконияти яратилди. Бунинг учун рўйхатдан ўтишда мазкур имкониятдан фойдаланишни танлашлари керак.
Қўшимча имкониятларга эга булиш учун сайтда рўйхатдан ўтинг