Умид Махмудович Мамадаминов Ўзбекистон энергетика вазири ўринбосари этиб тайинланди, деб хабар бермоқда ЎзА. Вазир ўринбосари лавозимларидан бирида вакансия мавжуд эди.
У маъмурий ислоҳотлардан сўнг 2023 йил февралидан бери қишлоқ хўжалиги вазири ўринбосари лавозимида ишлаб келаётганди.
Умид Мамадаминов 1983 йил 24 январда Самарқанд вилояти Жомбой туманида туғилган. Тошкент давлат техника университетини (2006) саноат электроникаси ва АҚШнинг Орегон технология институтини (2015) тамомлаган.
2015−2018 йилларда у АҚШнинг STANTEC номли йирик муҳандислик ва консалтинг компаниясида ишлаган.
Қишлоқ хўжалиги вазирлигига ишга ўтгунга қадар Evergreen Agriculture хусусий корхонаси директори, ундан олдин Jizzakh agritrade компанияси раҳбари лавозимида ишлаган.
