Пайшанба куни тушдан кейин Тошкентдаги Freedom Payments хорижий компанияси офисига ниқоб таққан шахслар келган. Бу ҳақда «Газета.uz»га Нукус кўчасидаги худди шу бизнес марказида жойлашган бошқа компаниялар ходимлари маълум қилди.
Қайд этилишича, идорада бўлган бир неча ходим қўлга олинган. Уларнинг телефонлари олиб қўйилган, улар билан ҳеч қандай алоқа йўқ.
«Газета.uz» Ўзбекистон ҳуқуқ-тартибот идораларига сўровлар юборди ва жавоб кутмоқда. Компания ҳозирча ҳеч қандай маълумотни эълон қилгани йўқ.
Freedom Payments (Freedom Pay савдо белгиси) онлайн-бизнес учун тўлов ечимларига ихтисослашган. Бир қанча мамлакатларда ваколатхоналари мавжуд.
