Тошкент аэропортида Москвадан учиб келаётган самолётда маст ҳолда йўловчиларга ва борт кузатувчиларига халал берган шахс қўлга олинди. У 990 минг сўм миқдорида жарима тортилди.
Қашқадарёнинг Миришкор туманида бир эркак балиқ овлаш вақтида чўкиб кетди. Унинг жасади Сечанкўл сунъий сув омборидан топилган. Суд-тиббий экспертизаси тайинланган.
«Алишер Навоий» метро бекатида пойтахтдаги ОТМлардан бирида ўқийдиган 18 ёшли талаба қиз поезд яқинлашиб келаётган вақтда ўзини рельс устига ташлади. Машинист поездни тўхтата олди, ИИО ходимлари қизни платформа устига олиб чиқишди. Қиз жароҳат олмади.
Москвадан Тошкентга учаётган Uzbekistan Airways самолёти йўловчилардан бирининг соғлиғи ёмонлашгани сабабли Урганчга фавқулодда қўнишга мажбур бўлди. Эркак бортда вафот этди.
Бош прокуратура матбуот хизмати СамДУ Каттақўрғон филиалида бино томининг плитаси қулаши натижасида 6 нафар талаб қиз жароҳат олганини маълум қилди. Университет икки нафар қиз жароҳат олгани ҳақида хабар берган эди. Бино қурилиши ва таъмирланиши ҳолати мутахассислар томонидан ўрганилмоқда.
Тошкентда аэропорт яқинида қурилаётган йўл ўтказгичнинг бешта тўсини бир вақтнинг ўзида қулаб тушди. Расмий хабарларда уларни ўрнатиш пайтида эҳтиётсизликка йўл қўйилгани айтилди. Июль ойи охирида Ўзбекистон президенти қурилиш майдонига ташриф буюрган эди.
Тошкентдаги Freedom Payments (Freedom Pay) хорижий компанияси офисига ниқоб таққан шахслар келгани айтилмоқда. Бир неча ходим ҳибсга олинган. Сабаблари ҳозирча номаълум.
Дам олиш куни Тошкентдаги 4-сонли автопаркка шортик ва шиппакда келган автобус ҳайдовчиси ва корхона муҳандиси ўртасида жанжал келиб чиқди. Можарога кейинроқ ҳайдовчининг яқинлари ва бошқалар ҳам қўшилган. Ҳайдовчи, унинг fкаси ва корхона муҳандиси жароҳатланган.
Тошкент марказида бир киши турар-жой биносининг 7-қаватидаги деразадан ўзини ташлаб ҳалок бўлди. Ўзбекистон Бош прокуратураси унинг Россия фуқароси эканлигини маълум қилди.
Тошкент-Ўш-Андижон йўлида Isuzu автобуси ва юк машинаси тўқнашуви оқибатида ҳалок бўлганлар сони 3 нафардан 4 нафарга етди. 33 киши шифохоналарда қолмоқда, улардан 1 нафарининг аҳволи ўта оғир, 5 нафарининг аҳволи оғир.
Россиянинг Белгород вилоятидаги ҳарбий полигонда сафарбар қилинган аскарларга оммавий ўқ узилди. РФ Мудофаа вазирлиги ҳодисани теракт деб атаб, «МДҲ давлатларидан бири»нинг икки фуқароси ўт очганини маълум қилди. 11 киши ҳалок бўлгани ва 15 киши яралангани айтилмоқда, қурбонлар кўпроқ бўлиши мумкин.
9 октябрь куни Туркиянинг Истанбул шаҳри Кадикўй туманидаги уйлардан бирида содир бўлган портлаш ва ёнғин натижасида икки нафар Ўзбекистон фуқароси — 10 ёшли қиз ва унинг 68 ёшли бобоси ҳалок бўлгани аниқланди. Оиланинг яна бир аъзоси шифохонага ётқизилган. Бир қурбоннинг шахси аниқлаштирилмоқда.
Бош прокуратура маълумотларига кўра, Фарғона вилоятида 64 ёшли қайнота кечки овқатни тайёрлашдан келиб чиққан оилавий жанжал ортидан ўз келинини ваҳшийларча ўлдирган. Ҳодиса тафсилотлари ошкор қилинди.
Сурхондарёнинг Денов туманидаги мактаб ҳовлисида 3-синфда ўқийдиган қиз ўлик ҳолда топилди. Прокуратура томонидан «Одам ўлимига сабаб бўлган хавф остида қолдириш» моддаси бўйича жиноят иши қўзғатилган.
Интернетда мактаб ўқувчиларининг ташқи кўриниши, жумладан соч ва соқоллари учун ота-оналар жаримага тортилаётгани ҳақида хабарлар пайдо бўлди. Тошкент ИИБ бу хабарлар «ҳақиқатдан йироқ» эканлигини ва ўқувчиларнинг ташқи кўриниши учун ота-оналар жавобгар эмаслигини маълум қилди.
Фарғона вилоятида тарбияланувчиси қаровсизлик оқибатида чиқиб кетиб, сувга чўкиб вафот этган болалар боғчасининг барча мансабдор шахслари ва ходимларига нисбатан жиноят иши қўзғатилди. МТТда талон-торож ҳолатлари ҳам аниқланган.
Тошкентда пробация хизматида ҳисобда турувчи маҳкум пичоқ билан ўз билакларини кесиб, профилактика инспекторларига ҳам таҳдид қилди. Жанжалга маҳкумнинг оиласи қўшилиб, профилактика инспекторларининг хизмат кийимларини йиртишган.
5 июль куни Ўзбекистон чегара ҳудудига Афғонистон ҳудудидан отилгани тахмин қилинаётган 5 та реактив снаряд учиб тушди. Улар портламаган, инсоний қурбонлар ва вайронагарчиликлар йўқ, дея хабар қилди Ўзбекистон ТИВ.
Норин туманида яшовчи 33 ёшли фуқаро ўз уйида осилган ҳолда топилди. Унинг онлайн қимор ўйинларидаги ютқазавериши оиласида келишмовчиликларни келтириб чиқаргани ва шу сабабли ўз жонига қасд қилган бўлиши мумкинлиги айтилмоқда.
Самарқандда қозоғистонлик ва маҳаллий туристларга куч ишлатган, шу жумладан, электрошокер қўллаган Ички ишлар бўлимининг икки нафар ходими ишдан бўшатилди. Уларга нисбатан жиноят иши қўзғатилди.
Қўшимча имкониятларга эга булиш учун сайтда рўйхатдан ўтинг