Чоршанба куни ижтимоий тармоқларда Тошкент марказидаги 50-мактабда содир бўлган ёнғин акс этган видео тарқалди.
Ўзбекистон Фавқулодда вазиятлар вазирлиги матбуот хизмати уларга соат 11:43 да мактабнинг иккинчи қаватида ёнғин чиққани ҳақида хабар келиб тушганини маълум қилди.
Воқеа жойига соат 11:49 да иккита ёнғин-қутқарув экипажи етиб борган. Ёнғин соат 11:52 да ўраб олинган ва соат 12:00 да тўлиқ ўчирилган, дейилади хабарда.
Ёнғин майдони 10 квадрат метрни ташкил этди, ички жиҳозлар ёниб зарарланган. Қурбонлар йўқ, деб хабар берди ФВВ.
Телеграмдан фойдаланасизми? Муҳим янгиликларни ўтказиб юбормаслик учун каналимизга аъзо бўлинг.
Ёнғин сабаблари ва зарар миқдори аниқланмоқда.
